Elindən, günündən, ayrılan könül,

Arabir vaxt tapıb ağlasın gərək.

Əzizi, əzbəri, qırılmış kimi,

Çəkib ah sinəsin dağlasın gərək.

Demirəm at qayıq döysün özünü,

Tufana qərq edib didsin üzünü.

Nə qədər olsa da Vətən sözünü,

Çəkib ürəyində saxlasın gərək.

Xəstə bimaram, bir qırıq kaman,

Görmədim dostları ürəkdən yanan,

Ellər Vurğun deyib, axtaran zaman,

Ah rəkib yaralar bağlasın görək.