Başına döndüyüm vəfalı dilbər,
Dolan, gəl yanıma sən şirin-şirin
Ala gözlərinə, qələm qaşına,
Can qurban eylərəm mən şirin-şirin.

Ağ üzündən rübən dini götürsən,
Miskin muradımı kama yetirsən.
Ölən  vaxtı başım üstdə otursan,
Verrəm əzrailə can şirin-şirin.

Səni nişan aldım, boş vurdu gülləm,
Camalın görməsəm, yəqin bil ölləm.
Qalasan odlara canı şam billəm,
Deyərsən, ay Mirzə, yan şirin-şirin.